Azucarera de Taste Station

Kalatumba ang mga baso gapatong sa monoblock
paglabay sang mga gatirin-tirin nga trak --
Wala na lamesa kay gutok na sang lugar ilimnan
Gani didto kami ginpuwesto lapit nayon sa dalan.

Ginpapungko si Duay, Empoy kag Manilyn,
Samtang kami daw mga badjao nga gakatin- katin
sa Tadyaw nga masalod sang kahubugon:
Ari kami indi para maligo, Ari kami para masalom.

Alas-onse gakari ang mga halin Sentral Ma-ao
Pakadto pakari asta alas-tres sang kaagahon,
Amo man sige pulaw sang mga lapyo mata:
Gapamati sa ambahanon sang dalagko nga rida,
Gakasilaw sa suga nga ginbutang sa naha-una kag
Gakabungol sa pirte katunog na busina.

Rakenrol ni bords, Rakenrol ni!
Rakenrol ni subong...

Alas kuwatro tawhay na ang dalanon,
Ginagaling na ang panam-is sa mapait nga realidad sa likod sang yuhom,
Maisip na lang manggad ang mga dlagko tae
pagbugtaw karon alas-sais.

Bag-o pa lang kami kapungko pagpuli sang mga Koreano.
Sang nagtahaw ang ilimnon,
Nadumduman namon mga nagkala-usik kagina:

Mayo lang kay baso lang natumba,
Matapos ang Agosto gani kita na.

-- konting tula para sa mga mananabas ng Neg. Occ.,